LAOAG CITY – Nagkadua ni Bea Borres ken ti dati a boyfriend-na a ni Meray Yamada iti maysa a candid clip.
Ti panagkadua dagiti dati nga agkarelasion ket nai-feature kas “bonus clip” iti latest vlog ni Bea, no sadinno ket nakaala daytoy ti atension kadagiti netizens iti online.
Sakbay ti panagparang ni Meray iti vlog, pinalagipan ni Bea dagiti viewers-na a saanda a nagsinublian ken ni Meray ken inlawlawagna nga awan ti mapaspasamak kadakuada a co-parenting.
Mainaig iti daytoy, inadmitir ni Bea a ti rason ti vlog-da ket gapu iti napigsa nga engagement ti panagkadkaduada iti online.
Maipalagip a dinakamat ni Bea iti interview idi naudi a tawen a ti relasionda ken ni Meray ket nagpaot laeng ti maysa a bulan kalpasan a naamoanda a masikog ni Bea.
Inlawlawagna a ti nagbalin a relasionda ket awan ti natibker a pundasionna ken inpettengna nga immunada a nagsina sakbayda a naamoan ken ti panangipublikarda ti panagsikogna.
Kabayatanna, ti vlogger-mom a ni Bea ket inpasngayna ti anakna a ni Hopea idi bulan ti Disiembre idi naudi tawen.
