LAOAG CITY – Saanen nga interesado pay ti biktima ti saan a panangipatungpal iti paoit a kuwarta nga ipilaan ti kaso kontra ti suspek ditoy ciudad tio laoag.
Daytoy ket kalpasan a nangiparuk-at ti biktima a ni Irene Arindon y Alojado, agtawen ti 16, awanan asawa, tubo iti Brgy. Maao, Bago City, Negros Occidental ngem agdama nga agin-indeg iti Brgy. 50 Buttong, Laoag City, ti affidavit a saanen nga interesado pay nga agpila.
Daytoy ket kalpasan a natukmaan ken nakaaagsasarita da iti suspek a ni Patrick Toreno Jimez agtawen ti 19 awanan ti asawa , beautician, tubo ti Brgy Alijis, Purok Saint Vincent, Bacolod City, Negros Occidental ngem agin-indeg met laeng iti Brgy 50, Laoag City.
Maipalagip a nagtalkan ti biktimat ti suspek babaen iti panangipaoit na ti kuwarta nga agdagup iti 2,500 a pisos tapno maipatulod iti ina na babaen iti express padala ngem saan na nga intungpal imbes ket naglemmeng.
Naamuan ti biktima ti nasao a pasamak kalpasan a nagsaludsudan na ti ina na no naawatnan ti paoit na.
Gapu iti naduktalan na, insigida a tinawagan ti biktima ti kasinsin na nga agnagan ti Maria Fe Alojado Ocampo ket binrok da ti suspek agingga naamuan da a nagtalawen daytoy babaen ti panaglugan na iti maysa a bus.
Nakikoordinar da nga insigida iti kompanya ti bus ket inappot dan bayat ti kaaddanan iti terminal da idiay Ilocos Sur.
Napasubli da ti kuwarta ngem agdagup laengen daytoy iti 1,791 a pisos.
