LAOAG CITY – Adda ti baro a puersa ita ti San Miguel Beermen para iti pananglukat ti PBA Commissioner’s Cup.
Daytoy ket kalpasan nga innayonda iti puersada ni Juami Tiongson ken Andres Cahilig manipud iti Terrafirma.
Kasukat met dagiti nasao nga umaayam da Terrence Romeo ken Vic Manuel.
Ti nasao a trade deal ket inaprobaran ti PBA board.
Ibilang met ni Romeo ti nasao a trade a saddest moment, nagyaman isuna iti SMB iti panagay-ayamna ken ti Terrafirma a panangawat kenkuana.
Ti agtawen iti 33 a ni Tiongson ket addaan ti kabaelan iti outside shooting a mabalin a katinnulungan ni Marcio Lassiter iti Beermen.
Immuna iti daytoy, naala metten ti Barangay Ginebra ni Troy Rosario a free-agent ken dati a nagay-ayam iti TNT ken Blackwater.
