LAOAG CITY – Nakastreken iti semifinals ti 2024 PBA Governors’ Cup ti Beermen kalpasan ti Converge FiberXers iti iskor a 109-105.
Indauloan ni June Mar Fajardo para iti Game 5 do-or-die games-da idi makairekord daytoy ti 40 points, 24 rebounds, uppat nga assists ken maysa nga steal iti ay-ayam a naiyuswat iti Ynares Center idiay Antipolo.
Nangnayon met ti 23 points ken 10 rebounds ni import EJ Anosike idinto nga addaan ti 10 points, siam nga assists ken innem a rebounds ni CJ Perez.
Inbatad ni Beermen Coach Jorge Gallent a dakkel a tulong para kadakuada ni Fajardo nangruna kadagiti do-or-die game.
Naammoan a ti sumaruno a makabinnalubal ti Beermen ti Barangay Ginebra iti best-of-seven semifinals a mangrugi inton Mierkoles ken maisayangkat iti PhilSport Arena.
