LAOAG CITY – Inbatad ni Major Erikson Bolusan, ti pannakangiwat ti Northern Luzon Command iti Philippine Army nga agpapan ita ket awan pay ti naestablisar da a motibo iti panangpuur dagiti armado a grupo iti Vote Counting Machines (VCMs) idiay Jones, Isabela.
Kuna na a daytoy ti agtultuloy nga im-imbestigaren da iti agdama.
Mainaig ti daytoy, inbatad ni Bolusan nga awan dagiti tropa da a napan nangbayabay iti pannakaibiyahe dagiti VCMs.
Daytoy ket gapu ta saan nga inpakaammo kadakuada ti grupo dagiti kameng ti Board of Election Inspector (BEIs).
Kuna na nga inkalintegan dagiti BEI a kampante da a nagbiyahe gapu ta ammo da nga adda dagiti nakadeploy a kameng ti PNP ken tropa ti gobierno kadagiti madalanan da nga uppat a barangay idiay Jones, Isabela.
Major Erikson Bolusan, spokesperson ti Northern Luzon Command iti Philippine Army
