LAOAG CITY – Nakasubbot iti dua a goal a pannakabati ti Belgium tapno agawen ti 3-2 a panangabak kontra iti Senegal kalpasan ti extra time iti Round of 32 ti FIFA World Cup iti Seattle Field.
Immuna ti Senegal iti babaen kadagiti goal da Habib Diarra ken Ismaïla Sarr a nangipaay kadakuada ti natibker a 2-0 a lamang.
Nupay kasta, saan a simmuko ti Belgium no sadinno a kinissayan ni Romelu Lukaku ti gidyat sakbay a naitabla ni Youri Tielemans ti laban iti 2-2 kadagiti naudi a kanito ti regular time.
Iti maika-125 a minuto ti extra time, nagbalin a bannuar manen ni Youri Tielemans kalpasan a naiserrek ti penalty kick nga isu ti nangipaay iti Belgium ti panangabak ti goal.
Iti resulta, nakagun-od ti Belgium ti puesto iti sumaruno a round idinto a naan-anayen a naglippas ti kampania ti Senegal iti torneo.
