LAOAG CITY – Indasar ti Quezon City Local Government Unit dagiti sumagmamano a nainayun iti atiddog a listaan dagiti guest performer nga agkaykaysa iti Pride Philippine Festival 2024.
Sumagmamano kadagiti tampok nga artist iti second wave ket ti banda a Ben&Ben, singer ken rapper a ni Gloc-9 ken sumagmamano a Drag Artist kas kada Mac N’ Sheesh wenno mas am-ammo kas Taylor Sheesh, Drag Race Philippines Season 1 Winner Precious Paula Nicole, Pura Luka Vega ken dadduma pay a drag performers.
Idinto nga immunan nga inrakurak ti nasao a lokal a gobierno ti hosts ken first wave performers pakairamanan da Unkabogable Star Vice Ganda, ti sikat ita a girl group a BINI, Marina Summers, Sassa Gurl ken dadduma pay a miembro ken ally ti LGBTQA+ community.
Kabayatanna, ti nasao a Pride Philippine festival ita a tawen ket maiyuswat inton Hunio 22 iti Quezon Memorial Circle.
