LAOAG CITY – Nanayunan ti 50 a benepisario ti Project Aruga ditoy ciudad ti Laoag isut gapuna nga umaboten ti 150 dagiti benepisario.
Daytoy ti inpakaammo ni Mrs. Perlita Cabello, ti mangidadaulo ti City Social Welfare and Development Office ditoy ciudad ti Laoag.
Inbatad na a ti Project Aruga ket programa ti national government babaen ti Department of Social Welfare and Development a mangtulong kadagiti Persons with Disability (PWD) babaen ti pinansial, pannakataripato ken nagduduma pay a benepisio.
Mainaig iti daytoy, kunana a dakkel a banag daytoy para iti pamilya ken guardian dagiti Persons with Disability aglalo iti inaldaw a pagkasapulan.
Kabayatanna, mangnamnam ni Cabello a manayonan pay ti bilang dagiti agbalin a benepisario iti nasao a programa.
Maipalagip a ti Laoag City ti maysa kadagiti 4 a Local Government Units (LGU) iti intero a pagilian a pakaim-implementaran ti Project Aruga.
