LAOAG CITY – Inpasingked ni House Speaker Faustino “Bojie” Dy III a saan laeng a ti imprastraktura ti idasar ti kamara de representantes ngem kangrunaan ti amin ket ti maipanggep iti agrikultura nga agbalin a sanggir dagiti Pilipino aniaman a krisis ti dumteng iti pagilian.
Inpaganetget daytoy ni Dy iti baet ti tension iti Middle East a mangituntunda ti krisis iti pagilian aglalo kadagiti produkto a petrolyo.
Inpetteng pay ti House Speaker a dagiti mannalon ket isuda dagiti naulimek a banuar a mangipaspasigurado nga adda ti umdas a taraon dagiti Pilipino.
Inkari na nga agtultuloy ti suporta ti kamara de representantes kadagiti addang tapno mapatalged dagiti agricultural infrastructure, mapadur-as ti post-harvest systems, ken pannakaipaay ti long-term support iti farming communities.
Gapu iti daytoy, ipaspasigurado ni Dy nga awan ti mannalon a mabati iti mailunglungalong a national agenda.
Immunan a binisita ken nagatendar ni Dy iti inagurasyon ti postharvest facilities idiay Isabela kadwa na ni Presidente Ferdinand “Bongbong” Marcos Jr. no sadinno a basar iti house speaker ti nasao nga addang ket maysa a natibker nga addang maiturong iti panagbalin a produktinp ken mapastrek dagiti mannalon a Pilipino.
