LAOAG CITY – Plano ni Bernie Lazo alyas Bayaw a baliwan dagiti nagbalin a testimonya na kontra ken ni Mayor Jessie Ermitanio iti ili a Marcos.
Maipalagip a ni Lazo ti nangitudo ken ni Ermitanio a mastermind iti pannaka-papatay ni Mayor Arsenio Agustin ti nasao nga ili.
Malaksid ti daytoy, nakaala pay dagiti otoridad ti nakaad-ado nga agkakangato nga armas iti pagnanaedan ni Ermitanio.
Nupay kasta, iti saan nga ammo a rason ket naamoan a plano ni Lazo nga ibabawi dagiti nagbalin a testimonya na kontra ken ni Ermitanio.
Iti agdama, nakabalud ni Ermitanio iti Bureau of Jail Management and Penology (BJMP) ditoy ciudad ti Laoag gapu kadagiti sangsangwen na nga agsusukot a kaso.
