LAOAG CITY – Nasukatanen ti adda bettabettak na a paset ti kalsada idiay Bgy. Agaga iti ili a Burgos nga agatiddog ti 1.5 a kilometro.
Pinasingkedan daytoy ni Vice Mayor Crisente Garcia ti nasao nga ili.
Kuna na nga isu a mismo ti nangbantay iti pannakasukat kadagiti adda bettabettak na a paset ti kalsada babaen ti kontraktor.
Immunan a naidanon ti nasao a parikot iti Dept. of Public Works and Highways (DPWH) iti umuna a distrito ti probinisya.
Maipalagip a napunduan ti nasao a proyekto iti agarup 20 a milion a pisos babaen ti gobyerno probinsiyal.
