LAOAG CITY – Inbinsa-binsa ni Mr. Arthur Valente, Fishery Regulatory Coordinator ti Provincial Agriculture Office no anya dagiti rumbeng nga aramiden dagiti operators ti fish cages tapno maliklikan ti panagpisti kadagiti taraken a lames.
Segun kenni Valente, no masurot a nalaing dagiti basic requirements iti panagtaraken ti lames ket awan ti agbalin a problema dagiti maseknan.
Inbatad na a masapol a ti lansad ti pagtaraknan ket rumbeng nga addaan ti 40 agingga iti 50 a centimeter a nagbaetan da iti daga tapno saan a makibor.
Kunana pay a masapol a masurot ti husto nga oras ti panagpakan kadagiti lames ken mamindua agingga iti mamitlo laeng a daras iti inaldaw.
Inlawlawag na pay nga iti kada square meter ket tallo agingga iti lima laeng a lames ti maipupok.
Kabayatanna, kuna ni Valente a dagiti rason ti panagpisti ti taraken a ket ti nababa nga oxygen, bassit ti danom ti fisg cages ken no makibor ket rumwar dagiti rugit nga isu ti mangpatay kadagiti lames.
