LAOAG CITY – Inpannakel ni Provincial Fire Marshal Fire Supt. Roxanne Parado iti Bureau of Fire Protection ditoy probinsia a negatibo ti amin nga empleado iti opisinada kalpasan ti naisayangkat a mandatory drug testing.
Daytoy a mandatory drug testing ket indauluan dagiti kameng ti Bureau of Fire Protection Region 1 Health Service babaen ti pannakibinnulig iti Department of Health (DOH) Region 1.
Segun kenkuana, panggep ti nasao nga inisiatiba a mataginayon ti drug-free workplace iti uneg ti Bureau of Fire Protection ken mangipasigurado nga amin a personnel ket fit for duty.
Innayonna, amin a personnel ken iti nadakamat nga ahensia pakairamanan dagiti naka-mandatory leave ket namandar a nagatendar iti nasao a drug testing.
Kinunana a dimmalan met daytoy iti drug testing no sadinno agdagup 334 nga empleado ti ahensia ken rimmuar a nagbalin a negatibo ti resultada.
Inbatadna, no man pay adda ti personnel ti ahensia a saan a dimmalan iti nasao a drug testing ket maikkan ti gundaway nga agtungpal iti naituding nga aldaw tapnu dumalaan iti drug testing iti kabangiban a probinsia.
Kabayatanna, no adda dagiti personnel a saan dimmalan iti naisayangkaat a drug testing maikkan daytoy ti MEMO tapnu mailawlawag no apay saan daytoy a nakaatendar.
