LAOAG CITY – Inpasingked ni Fire Supt. Floro Obrero, ti provincial fire marshal ditoy Ilocos Norte a dakkel a tulong iti BFP ti BFP modernization bill.
Kuna na a babaen iti daytoy ket ado ti manamnama a maawat a tulong ti BFP partikular iti nagduduma a ramit a mausar iti panagresponde ti uram.
Inpakaammo na a karaman ditoy ti procurement ti modern firefighting equipment a fire boats para kadagiti low-lying ken coastal areas, helicopters para iti emerhensya a saan a madanon dagiti land vehicles; rescue ken hazard material trucks ken dadduma pay nga emergency vehicles.
Kabayatanna, inbatad ni Obrero a ti panagikot ti armas dagiti bombero ket mabalin pay a maikonsiderar.
Kuna na a daytoy ket agbalin kas proteksyon bayat ti panagresponde dagiti bombero.
Immuna iti daytoy, kuna ni Obrero a maysa nga ikalkalikaguman ni Presidente Rodrigo Duterte ket ti BFP.
Maipalagip a maiyur-uray ti panangaprubar ni Presidente Duterte iti rinatipikaran ti kongreso a Bureau of Fire Protection (BFP) Modernization Bill wenno ti maysa kadagiti prayoridad a legislative measures ti Presidente.
Daytoy ti wagas a mangpadur-ad ti fire prevention and emergency medical and rescue services ti BFP babaen ti pannakapagbalin a modern dagiti pasilidad ken pannakapapigsa ti pwersa dagiti bombero.
