LAOAG CITY – Nagkiddaw ti Bureau of Fire Protection ditoy ciudad ti Laoag iti pannakaipaay kadakuada iti Fire Extinguisher kalpasan nga awan ti maikabil da kadagiti fire trucks dagitoy.
Segun kenni Konsehal Jayson Perara, nagturong a mismo ti fire Marshall ken dagiti fire officials iti opisina na tapno mailawlawag da a naimbag ti napasamak a pannakauram ti tangke ti maysa a tricycle iti rotunda ditoy ciudad ti Laoag iti kallabes no sadinno a nagusar paylaeng dagiti kameng ti Bureau of Fire Protection ti hose iti panangsebseb da ti apoy.
Kuna na a naipakaammo kenkuana a pudno nga awan iti chemical fire extinguisher dagiti fire trucks isut gapuna a nagkiddaw ti Bureau of Fire Protection iti tulong iti konseho.
Nupay kasta, kuna ni Perera a masapol a pagsasaritaan da a naimbag daytoy iti Executive Legislative Conference tapno makita no mano ti bilang dagiti maipaay a fire extinguisher.
Kabayatanna, kuna ti presiding officer/Vice mayor Rey Carlos Farinas nga immunan a nagsurat iti City Disaster Risk Reduction and Management Office ditoy ciudad tapno makagatang da ti fire extinguisher ken dagus a maikabil kadagiti fire trucks.
