LAOAG CITY – Nagpalagip ni Fire Supt. Floro Obrero, Provincial Fire Marshall iti Bureau of Fire Protection (BFP) iti publiko a no rumwar iti balay kangrunaan na iti parbangon ken kitaen da a nalaing a nakashot off ti breaking tapno maliklikan ti uram.
Daytoy ket gapo ta no naka-off ti breaking awanen ti kuryente iti mismo a pagtengan uray malipatan dagioti appliances a nakasaksak.
Inlawlawag na a nasken nga ikkaten a kanayun ti saksakan ti maysa nga appliances ken dagiti charger ken saan nga iparabaw iti katra gapo ta bumara a mabalin a makaitunda ti uram.
Segun kenni Obrero, binalakadan na pay ti publiko a dagiti laeng adda ti ICC na ti usaren da a Christmas light nga ikabit iti balay.
Mainaig iti daytoy, kunana a nakikoordenar dan iti Dept. of Trade and Industry (DTI) para iti nasao a banag.
Inbatad na nga awan met pay ti report a naawat da manipud kadagiti field commanders nga agins-inspek da kadagiti tagilako a christmas lights.
Kunana a naiget nga imon-monitor da ket ti maymaysa laeng nga aglako ti paputok.
