LAOAG CITY – Naiget ti panagmonitor ti Bureau of Fire Protection ditoy probinsia kadagiti aglaklako ti paputok tapno masigurado nga addaan dagitoy ti permit.
Segun ken ni Fire Superintendent Roxanne Parado, Provincial Fire Marshal ti Bureau of Fire Protection ditoy probinsia a masapol a suruten dagiti aglaklako ti papautok ditoy pribonsia dagiti safety measures kas iti kaadda ti fire extinguisher wenno water drum tapno malapdan ti uram.
Mainaig iti daytoy, nabagbagaan met dagiti naipaayan ti permit nga aglako ti paputok a maiparit ti panaglako ti paputok iti online.
Kinunana nga adda dagiti designated area a pagpatukan da tapno masigurado a natalged ti panagsarabo ti baro a tawen.
Innayonna agtultuloy ti pakikoordinar ti Bureau of Fire Protection iti Philippine National Police ken Barangay Officials tapno maipalagip kadagiti umili ti naannad a panagusar iti paputok.
Kabayatanna, nainget met ti pannakamonitor dagiti maiparit a paputok tapno malapdan ti aniaman nga insidente ti uram.
