LAOAG CITY – Negatibo ti resulta ti swab test dagiti 267 a kameng ti Bureau of Fire Protection (BFP) ditoy probinsya kalpasan ti mandar a dumalan da amin iti RT-PCR test.
Daytoy ti kinumpirmaran ni Fire Supt. Jesus Sugui, ti Provincial Fire Marshall ti BFP-Ilocos Norte.
Segun kenni Sugui, ti laeng nagpositibo iti coronavirus disease ket ti taga Barangay Puttao iti ili ti Solsona.
Pakaseknan met iti maipagarop a pannakailanglangi dagiti kameng ti BFP, dimmawat ni Suqui ti pannakaawat dagiti kaprobinsyaan gapo ta ar-aramiden da met amin a health protocols tapno malapdan ti pannakaiwaras ti virus.
Kunana nga iti agdama ket naka-isolate pay laeng ti BFP personnel a nagpositibo ti virus ken asymptomatic daytoy.
