LAOAG CITY – Inpakaammo ni Fire Senior Inspector Edison Reyes iti Bureau of Fire Protection iti ili ti San Nicolas nga awan ti nairekord nga ana man nga insidente iti nasao nga ili iti Enero 1, 2025.
Segun kenkuana, nagbalin a nasayaat ti panagsarabo ti baro a tawen arigna nagbalin a natalna ti situsaion ti situsion ti nasao nga ili malaksid iti naudi nga insidente a nakatiliw da ti uleg iti dakkel a mall ken ti ubbing a napaputokan ti paputok.
Kabayatanna, namnamaenna nga agtalinaed a natalna ti aglawlaw ken awan dagiti mairekord nga insidente ti uram.
Malaksid iti daytoy, agtultuloy ti imbestigasion ti Bureau of Fire Protection ditoy probinsia maipanggep iti napasamak nga uram iti iti ili ti Marcos.
Mapattapatta a dumanon iti 150 a ribu a pisos ti balor iti pannakadadael ti maysa a pagtaengan kalpasan a nauram iti Brgy. Lydia iti ili ti Marcos iti panangsarabo ti baro a tawen.
Daytoy ti inpakaammo ni F/Supt. Roxanne Parado, Provincial Fire Marshal ti Bureau of Fire Protection ditoy probinsia.
Segun kenkuana, basar iti inisyal nga imbestigasionda ket rumrummuar a gapu iti electrical wirings ti posible a namunganayan ti napasamak nga uram.
