LAOAG CITY – Inbatad ni SFO3 Ronald Castillo, ti firemarshall iti Bureau of Fire Protection (BFP) iti ili a San Nicolas nga idi nakadanun da iti nakapasamakan ti uram iti Barangay Nagrebcan iti ili a san Nicolas ken dakkelen ti apoy.
Inlawlawag na nga alisto laeng a nagkayamkam ti apoy gapu ta naaramid laeng a light materials dagiti nauram a dua a balay a kukua da Marites Bonilla ken Samuel Pascua.
Segun ken ni Castillo, bayat iti death anniversary daydi ama ni Pascua ket nagsindi ti kandela iti altar kalpasan na ket napan iti taltalon agingga a naruto a nangitunda ti napasamak nga uram.
Nupay kasta, saan pay a maibaga ni Castillo no mano amin ti balor dagiti nadadael iti napasamak nga uram.
Kabayatanna, naglikudan ni Castillo ti alegasyon a nabayag sakbay a napan da nagrespondo ken ti panagbalin a bulok ti maysa a fire truck da.
