LAOAG CITY – Napadayawan ti Bgy. 3 ditoy ciudad ti Laoag a kas Regional Awardee ti Lupong Tagapamayapa iti Region 1.
Daytoy ti impanakkel ti Bgy. Chairwoman Suzane Bueno ti naso a barangay.
Segun ken ni Bueno, mamati a ti rason no apay a naipaay kadakuada ti nasao a pammadayaw ket gapu ta amin dagiti naidatag a problema iti barangay da ket nasulbar babaen ti Lupon Tagapamayapa ken awan ti naidatag iti korte.
Gapu iti daytoy, nagyaman ti opisyal kadagiti kabarangayan da gapu ta no awan ti kooperasyon da ket saanda met a nagun-od ti nasao a pammadayaw.
Mismo a ni Regional Director ti DILG Engr. James Padrilan ti nagiyawat ti pamamdayaw a plaque ken cash a 50 a ribo a pisos.
Innayon ni Bueno a kitaen da no ania ti napintas ken nasayaat a pangipanan da ti inabak da.
