LAOAG CITY – Sumango ti agsukot a kaso ti maysa a Bgy. Kagawad idiay ili ti Pagudpud.
Binigbig ni P/C/Insp. Lawrence Ganuelas, Hepe ti Pulisya ti nasao nga ili ti suspek a ni Bgy. Kagawad Reyman Asuncion iti Bgy. Ligaya ti nasao nga aili.
Segun ken ni Ganuelas, paltog ti nakaisangratan ti seacrh warrant operation nga inaramid da ken ni Asuncion ngem adda pay naaala da a balbala ken sachet a naglaon iti maatap a shabu.
Kas resulta ti nasao a search, nakarekubre dagiti pulis ti 357 revolver a magnum a klase ti paltog, awanan ti serial number ken lima a bala na.
Nakarekubre da pay ti tallo a bala ti para iti kalibre 45 a klase ti paltog ken tallo a “sachet” a naglaon ti masatap a shabu.
Kuna ni Ganuelas nga adda ti nangipakaammo kadakuada nga adda ik-ikutan ni Asuncion a paltog rason nga inaplikaran da ti search.
Saan met a maibilang ti nasao nga opsiyal ti Bgy. a drug personality ken awan record na a sabalin malaksid iti daytoy nakatiliwan na.
Maisagsananan ti kaso a panaglabsing ti RA 10951 wenno Comprehensive Law On Firearmas and Ammunition ken RA 9165 wenno Comprehensive Dangerous Drugs Act of 2002 kontra ken ni Asuncion.
