LAOAG CITY – Tiniliw dagiti kameng ti PNP ditoy probinsya, ti 104th Maritime Station ken PNP-Badoc ti maysa a Barangay Kagawad iti nasao nga ili.
Nabigbig daytoy a ni Edmond Tadena Jr. y Salon, agtawen ti 32, awanan ti asawa, Barangay Kagawad ken residente iti Brgy. Nagrebcan iti nasao nga ili.
Naarestar daytoy babaen ti bileg ti warrant of arrest nga inparuk-at ni Hon. Judge Francisco Quilala iti Regional Trial Court Branch 17 idiay ciudad ti Batac a napetsaan ti Hulyo 30, 2018 gapo ti kaso na a multiple murder.
Awan ti nairekomendar a pyansa ti nasao nga akusado.
