LAOAG CITY – Inruaren ti grupo a BGYO ti official video ti kantada nga “Andito Lang.”
Ti sumurok tallo a minuto a bidyu ket nai-upload daytoyen kadagiti music page ti grupo.
Maipanggep ti nasao a kanta iti maysa a tao nga adda ti sangsangoenna a problema.
Naala met ti kanta ti inspirasion iti naiget a panagkakadua ti grupo.
Ti gruo ket bukbuklen da Akira Morishita, JL Toreliza, Gelo Rivera, Mikki Claver ken Nate Porcalla.
Maipalagip a kadagiti naglabas a lawas idi inruar ti grupo ti nasao a kanta nga insurat ni Claver ken Chris Lopez.
Iti daytoy a tawen ket inruar ti OPM boyo group dagiti kanta a “Gigil” ken “Patintero.”
Naammoan nga inton Enero 2025 ket selebraran ti grupo ti maikapat a tawen nga anibersarioda.
