LAOAG CITY – Saan a pinalabes ti TV host a ni Bianca Gonzalez ti panangsungbat iti maysa a fan gapu laeng iti maibagbaga a ‘bunutan’ iti Pinoy Big Brother no sadinno nga adda dagiti PBB Gen 11 housemates.
Saan a nagustoan ti fan ti resulta ti bunutan isu a nakaunget daytoy ken nagsao ti dakes ti sumagmamano a daras.
Inbatad ti fan nga scripted ti programa ken in-tag-na pay ti X account ti PBB.
Gapu iti daytoy, simmungbat ni Bianca ken nag-reply iti nasao a fan.
Inlawlawagna a no apay kasapulan pay a pagsaoan isuda ti dakes gapu laeng iti opinyon daytoy ken obserbasion.
Kunana nga adu ti maaw-awatna a bashing ken maawatanna ngem gapu iti komento ti fan ket saannan a pinalabes daytoy.
