LAOAG CITY – Inamin dagiti nalatak nga agkarelasion a da Bianca Umali ken Ruru Madrid a saanda a silulukat iti ideya a “living under the same roof” sakbay nga agkallaysa.
Inpapilit dagiti dua nga aktor a sursurotenda dagiti pagannurotan ti simbaanda.
Inpaganetget ni Bianca nga idedikarna met ti bagina iti umno a tao iti umno a tiempo.
Iti agdama, ti aramidenda dagiti dua ket urayenda ti umno a tiempo para iti daytoy a banag.
Kabayatanna, kinunana pay nga adun a pannubok ti linasatda kas agrelasion isu nga agtalek dagiti dua nga aniaman a karit a sangsanguenda ket maurnos da.
