LAOAG CITY – Nalpasen ti bicameral conference committee meeting para iti pinal a bersyon ti 2026 national budget.
Pasado alas-2:20 iti parbangon, Disyembre 18 a nalpas ti Senado ken House of Representative ti pannakatratar dagiti sumagmamano nga amendment ti 2026 General Appropriations Bill.
Umabot iti innem nga aldaw ti bicameral conference a nangrugi idi Disyembre 13.
Indaulwan da Senate Finance Committee Chairperson Sherwin Gatchalian ken House Appropriations Chair Mikaela Suansing ti bicameral meeting.
Ita a tawen ket maysa a naisangsangayan gapo ta naka-livestream no sadinno iti napalpalabas ket closed-door bicameral conference iti budget.
Ti P6.793- trilion a 2026 General Appropriations Bill ket manamnama a maisubmitir kenni Pres. Ferdinand Marcos Jr. para iti panangaprubar na.
