LAOAG CITY – Nangrugin idi kalman ti Basic Incident Command System wenno BICS Training para kadagiti Local Disaster Risk Reduction Management Officers wenno LDRRMO’s ditoy Ilocos Norte.
Segun ken ni Engr. Pedro Agcaoili, mangidadaulo ti Provincial Disaster Reduction Management and Resiliency Office ti gobierno probinsial paset daytoy ti naiget a panangsuporta ti gobierno probinsial nga idadauloan ni Gob. Imee Marcos kadagiti programa ti Office of the Civil Defense.
Imbatadna a karaman kadagiti agserbi a “lead instructors” wenno mangisuro kadagiti LDRRMO’s ni Mr. Michael Pe Benito ti PDRRMRC.
Inbunannagna a maisayangkat ti nasao nga aktibidad idiay Rio Grande Resort Hotel ditoy siudad ti Laoag.
Innayonna nga agpaut ti nadakamat a training iti uneg ti tallo nga aldaw wenno agpatingga intono Mayo 26.
