LAOAG CITY – Tinawagan ken kinablaawan met ni US President Joe Biden ni Donald Trump iti panangabakna iti US Presidential Election 2024.
Iti nadakamat a panagsarita, inawis pay ni Biden ni Trump a sumarungkar iti White House tapno agbitla.
Inpasigurado na nga adda ti natalged ken natalna ti pannakaiyakar ti turay ken ipatpategna ti panagkaykaysa para iti pagilian.
Immuna iti daytoy, nag-concede ni US Vice President Kamala Harris kalpasan a naatiw iti eleksion kontra ken ni Trump.
