LAOAG CITY -Dinayyeg ti gingined a nagpigsa ti 4.2 magnitude ti Big Island idiay isla ti Hawaii.
Daytoy ket kalpasan ti agtultuloy a panagipugso na ti nangisit nga asok ti wangawangan ti Kilaue Volcano iti nasao nga isla.
Iti report ni International Correspondent Manny Pascua, ti centro ti gingined ket ti asideg ti nasao a volcano.
Kuna na nga iti laksid iti nasao a gingined ket saan a makaparnuay iti aniaman a tsunami basar iti Pacific Tsunami Warning Center.
Inlawlawag pay ni Pascua a kangrunaan a maapektaran iti nasao a situasyon ket ti Kapo District.
Agtulutloy met a nakaalerto dagiti otoridad iti agdama a situasyon ti nasao nga isla idiay Hawaii.
