LAOAG CITY – Ipursige ti maysa a baro ti mangipila ti reklamo iti People’s law Enforcement Board (PLEB) gapu ti panangabuso kenkuana dagiti sumagmamano a kameng ti Philippine National Police (PNP) iti San Nicolas, Ilocos Norte.
Pinili ti biktima ti PLEB ti PNP-San Nicolas a pangipilaan na ti kaso administratibo kontra kadagiti nasao a kameng ti pulisya.
Maipalagip a kalpasan ti insidente ket nabukel a dagus ti PLEB babaen ken ni Mayor Alfredo Valdez ti nasao nga ili tapno maimbestigar ti napasamak ti biktima.
Immuna iti daytoy, naipila ti kaso a physicl injury kontra kadagiti kameng ti PNP kas kada PO2 Bryan Piga, PO2 Kevin Jarred de Castro ken PO1 Bernard Palpal.
