LAOAG CITY – Agpapada a nagsagaba ti pannakatukkol kadagiti nagduduma a paset ti bagi dagiti nakalugan ti kurong-kurong kalpasan ti pannakadungpar da iti Toyota fortuner iti Barangay 11, Sta. Balbina ditoy ciudad ti Laoag.
Nabigbig dagitoy a da Joey Tumamao Morales, agtawen 23 idinto a dagiti inlugan na ket da Mark Limuel Antonio Yere, agtawen ti 18 ken ni Jeremy Tumamao, agpapada a residente iti Barangay 16, San Marcos iti ili ti san Nicolas.
Intuong met ni John Wendell Lagua Medrano, agtawen ti 37, naasawaan ti Toyota fortuner ken nabigbig ti kadwa na a ni Evelyn Garcia Arquillo, agpada a residente ti Brgy. 3, Poblacion idiay ili ti Pasuquin.
Segun ti imbestigasyon ti PNPTraffic Divison, agpabagatan a direksyon ni Medrano iti paset ti Bacarra Road idinto a ti kurong-kurong ket agpadaya met isut gapo na a nagdinnungpar dagitoy.
Gapo iti daytoy, ni Yere ket natukkol ti akin-kannawan a saka na ken ni Jeremy ken natukkol met abaga na idinto a ni Joey ket nagsagaba ti nagduduma a sugat iti nagduduma a paset ti bagi na.
Naitaray met dagiti biktima iti Gov. Roque Ablan Sr. Memoeial Hospital ditroy ciudad ti Laoag.
