LAOAG CITY – Umabuten ti 120 ti bilang dagiti biktima ti dengue iti Ilocos Norte.
Daytoy ti inbatad Dr. Victoria Llacuna, Municipal Health Officer ti ili ti Dingras.
Segun ken ni Llacuna, daytoy ket basar ti datos a naawat da manipud iti Prov’l Health Office manipud Enero agingga itay napalabas a bulan ti Julio.
Kunana nga iti ili ti Dingras ti maysa kadagiti kangrunaan a naggapuan dagiti biktima a no sadinno a dua dagiti pimmusay.
Mainaig iti daytoy, nagpanawagan manen ti doctor kadagiti taga Dingras ti naan-anay a panagdaldalos tapno maliklikan saan laeng nga iti itataod ti lamok a mabalin a “career” ti virus ti sakit a dengue no di ket uray dagiti gagangay a sakit.
