LAOAG CITY – Pimmusayen ti biktima ti napasamak a desgrasya kalpasan a nadungpar ti empelado ti INEC idiay Barangay San Marcelino iti ili ti Dingras idi Enero 21.
Binigbig ni Police Senior Inspector Joseph Calderon, chief of police ti PNP-Dingras ti biktima a ni Dexter dela Cruz idinto a ti driver ket ni Mr. Ronald Coloma.
Segun kenni Calderon, kalpasan ti desgrasya ket nagsarita dagiti dua a kampo rason a saan da a nagipila ti kaso kontra kenni Coloma.
Kunana a ti maipila a kaso a sangwen ni Coloma ti reckless imprudence resulting to homicide ngem no agbaliw to ti panunut ti pamilya ti biktima ket iti korte dan to nga aglinnawag.
Mainaig iti daytoy, kunana a basar iti imbestigasyon da ket ti biktima ti adda ti basol na iti degsrasya ken agdependar ti piskalya no anya ti desisyon da.
Maipalagip nga idi napamasak daytoy ket maipagarop a dinanog ti agnagan ti Denver dela Cruz ni Coloma gapo iti pungtot wenno emosyon na.
