LAOAG CITY – Inbatad ni Police Staff Serageant Artemio Magaoay Jr., imbestigasdor ti PNP-Laoag Traffic Division a nagtalinaed nga awan ti puot ti biktima ti desgrasya iti bypass road, bisinidad ti Barangay 55-A, Barit ditoy ciudad.
Nabigbig daytoy a ni Rhoderick Pascua, agtawen ti 41, naasawaan ken residente iti Barangay 29 Pasngal iti ili ti Bacarra.
Segun kenni Magaoay, rumrumuar a napaspas ti panagpataray ti biktima ken adda iti impluwensya iti nasanger no sadinno bayat nga agpaamyanan ket nadungpar na ti concrete barrier iti bypass road.
Gapo iti daytoy ket nagderetso iti kanal ken naibaot ti biktima iti riprap nga adda iti igid ti kalsada rason ti sinagaba na a nakana a sugat.
Iti agdama, ti biktima ket adda iti Gov. Roque Ablan Senior Memorial Hospital ditoy ciudad ti Laoag.
Kabayatanna, kuna ni Magaoay nga umaboten iti walo ti nairekord a desgrasya ditoy ciudad ti Laoag sipud idi Enero 1 no sadinno ket maysa ti pimmusay.
