LAOAG CITY – Nagsagaba ti sugat iti nagduduma a paset ti bagi dagiti nakalugan iti nagdinnungpar a tricycle ken motorsiklo iti Barangay Lydia iti ili ti Marcos.
Nabigbig ti driver ti tricycle a ni Mr. Demecio Acosta y Gonzales a residente iti ili ti San Nicolas idinto a ti nakamotorsiklo ket agtawen ti 16 a lalaki, ken ti kinalubbon na ken residente iti Barangay Puruganan iti ili ti Dingras.
Basar iti imbestigasyon ti PNP, idi rabii ket agpaamyanan ti tricycle ken idi nakadanon iti kurbaan a paset ti kalsada ket na-overshoot a rason ti pannakadungpar na iti nasabat na ti motorsiklo.
Gapo iti daytoy, agpapada a naitaray iti Doña Josefa Marcos District Hospital dagiti biktima.
Inbatad pay ti PNP-Marcos nga adda iti impluwensya ti nasanger.
Kabayatanna, agtultuloy met ti imbestigasyon dagiti otoridad seknan iti nasao a desgrasya.
