LAOAG CITY – Nabigbigen dagiti otoridad ti biktima a natay iti desgrasya iti paset ti Barangay 19 iti ili ti San Nicolas partikular iti abagatan ti ice plant.
Daytoy ti kinumpirmaran ni Police Major Joseph Baltazar, chief of police ti PNP-San Nicolas.
Segun kenni Baltazar, ti biktima ket ni Gilbert Andres y Tolentino, agtawen ti 39 ken residente iti Barangay Baay iti ciudad ti Batac.
Kunana nga awan ti nakita da a sugat iti ulo ti biktima isut gapo na a ti teorya da ket ado ti napukaw a dara kenkuana a rason ti maipagarop a pannakatay na.
Nupay kasta, kuna ni Baltazar nga iyur-uray da ti meical certificate ti biktima tapno maamoan no anya ti rason ti nakatayan ti maseknan.
Maipalagip a bayat nga agpaabagatan a direksyon ken idi nakadanon iti kurbaan a paset ti kalsada ket isu ti pannakaidungpar na iti concrete barrier.
Gapu iti kinapigsa ti pannakaitama ti biktima iti concrete barrier ket nadadael a permi ti akin kannawan a saka na ken adda dagiti nabati a lasag iti nakapasamakan ti desgrasya.
Dagus a naitaray ti biktima iti Gov. Roque Ablan Senior Memorial Hospital ditoy ciudad ti Laoag ngem naideklara a dead on arrival.
Inbatad ni Baltazar a makikokordenar da metten iti pamilya ti biktima tapno maamoan da no sadinno ti naggapwan wenno anya dagiti nagbalin nga aktbidad tri maseknan sakbay ti desgrasya.
Mainaig iti daytoy, agtultuloy met ti naun-uneg nga iyus-uswat dagiti otoridad.
