LAOAG CITY – Pimmusayen ti biktima iti desgrasya iti paset ti Barangay Guerrero iti ili ti Dingras, Ilocos Norte bayat a maag-agasan iti Mariano Marcos Memorial Hospital and Medical Center idiay ciudad ti Batac.
Nabigbig daytoy a ni Reymund Redulme, agtawen ti 30, naasawaan, maysa a mannalon ken residente ti Barangay Bagbago Solsona.
Segun ti PNP-Dingras, napasamak ti aksidente idi Agosto 31 idi ta tricycle nga inturong ni Redulme ket dinungpar ti lugan nga inturong ni Amalia Payoyo Atabay, agtawen ti 58, naasawaan, maysa nga school nurse iti Dingras National High School ken residente iti Barangay Lumbad, Dingras.
Naamoan a ti tricycle ket agpadaya a direksyon idiay Solsona kem maipagarop a dinungpar ni Payoyo.
