(Update) LAOAG CITY – Nakasagana ni Mrs. Lean Sacoco iti Bgy. 15 iti ili ti San Nicolas a maki-ammicable settlement” ken ni Mrs. Melinda Anday itri Bgy. 35 Pipias iti ili a Bacarra no bayadan na a maminpinsan dagiti innala a kuwarta nga agarup 100 a ribo a pisos ita nga aldaw
Daytoy ti naamuan ti Bombo Radyo Laoag bayat a nagturong ti grupo iti pagtaengan ti bikitma.
Segun ken ni Sacoco, saan nga agpila daytoy iti aniaman a reklamo kontra ken ni Anday matungpal na la ketdi ti kiddaw na a bayadan na dagiti innala kenkuana.
Nasakit ti nakem ni Sacoco gapu ta ni Anday ti mismo a timmawag kenkuana ken indiaya na ti tulong na tapno makarwaren ti ti nakabalod nga asawa na iti Ilocos Norte Porv’l Jail idi pay 2016 gapu ta naglako pay kadagiti sanikua da.
Inlawlawag ni Sacoco a no saan a matungpal ni Anday ti kiddaw na kenkuana ket saan la nga agpila ti reklamo ngem ketdi agsarita pay ditoy Bombo Radyo.
Maipalagip a natiliw ni Anday kalpasan ti intrapment operation kenkuana babaen ti PNP-laoag kalpasan a nagpatulong ni Sacoco gapu ta dawatan na manen daytoy ti kuwarta para iti pannakairuar ti asawan na iti pagbaludan.
