LAOAG CITY – Impeksa ti maysa kadagiti nagpatulong ken ni Kathleen Mae Acob Damo, iti Bgy. Bacsil iti ili a Bangui ngem adda idiay Taiwan a ni King Aguidan iti nasao met la a barangay ti sakit ti nakem na iti napasamak kenkuana.
Segun ken ni Aguidan, maluksaw gapu ta uray saan a nakapan idiay Singapore idi nagpatulong ken ni Damo ngem saan na met a mapasubli ti inbayad na a placement fee.
Kabayatan na sabali a maipagarup a biktima ni Damo ti nakainnuman ti Bombo Radyo ngem nagkedked a maamuan ti nagan na.
Segun kenkuana, naam-amo na met ni Damo idi adda da idiay Taiwan babaen iti facebook.
Kuna na a nagpatulong daytoy tapno agbaliw ti trabaho na a manipud iti kinacaregiver ket agbalin koma a factory worker.
Nangted met daytoy iti kuwarta ngem saan met a nagbalin inggana a nakaawid ti Pilipinas.
Kuna na pay nga adda da dagiti in-refer na nga am-aammo na a dinawatan met dagitoy ni Damo a saan met a nagpursige.
Mainaig iti daytoy, maymaysa ti kalikagum dagiti maseknan nga isubli ni Damo dagiti innala na kadakuada.
