LAOAG CITY – Mangnamnama ti maysa pay a biktima ti P2P investment scam a maisubli ti 600 a ribo a pisos a naited na.
Segun ti saanen a nagpabigbig a biktima, naallukoy a nag-invest gapu ta maysa daytoy nga online seller, ken paluwagan handler.
Inabtad na a nangted ti 1,500 a pisos ti inyinvest na nga agdoble, agtriple wenno times 4 iti uneg ti 10 nga aldaw agingga iti 28 nga aldaw.
Kuna ti biktima a naam-ammo na ni Angelica Joyce Nacino babaen iti pada na a paluwagan handler.
Inlawlawag na a simmali ni Nacino iti paluwagan ken nangted ti 50 a ribo a pisos ken nagbalin a good payer rason a nagtalek met daytoy.
Inbatad na nga idi damo a nagcash-in ket naawat na ti naipasubli a kuarta agingga a dadakkel a gatad dagiti nait-ited na itay kallabes.
