LAOAG CITY – Nagtalinaed a maag-agasan iti ospital ti biktima ti pammagkong a napasamak idiay ili ti Dumalneg.
Nabigbig ti biktima a ni Joselito Tajodloy, agtawen ti 40, awanan ti asawa ken residente ti Brgy. San Isidro iti nasao nga ili idinto a ti suspek ket ni Dominador Tango y Rivera, agtawen ti 33 ken residente ti Brgy. Quibel.
Immuna iti daytoy, nakaawat ti PNP-Dumalneg ti report nga adda ti komosyon iti Brgy. Quibel.
Segun ti imbestigasyon, adda ti saan a nagkinnaawatan da Tanggo ken ti asawa na a ni Elizabeth kabayatan ti pasala iti kasar ken inanawa ni Tajodloy isuda.
Gapo iti daytoy, sabali ti nagawatan ti suspek isut gapo na a binagkong na ti biktima a nakasugatan ti akin-kannigid a pungwapungwan na ken ti akin-kannawan a takyag na.
Dagus a naitaray ti biktima iti Bangui District Hospital ngem naiyakar iti Gov. Roque Ablan Sr. Memorial Hospital.
Naamoan a ni Tajodloy ket kabsat na ni Elizabeth Tanggo.
Kabayatanna, nagalinaed met ti suspek iti kustudiyar ti PNP-Dumalneg.
