LAOAG CITY – Kinumpirmaran ni Mr. Willy Calucag, ti presidente ti Meat Vendors Association iti ili ti Solsona nga adda dagiti nagsardeng nga aglako ti karne iti merkado publiko.
Daytoy ket gapu pay laeng iti pangta ti African Swine Fever wenno ASF iti nasao nga ili.
Kuna ni Calucag a manipod iti 22 a bilang ti aglaklako ket adda laeng ti 17 a nagrenew ken adda pay ti uppat a nagsardeng nga aglako.
Inbatad na nga awan unayen dagiti aggatang ti karne ti baboy gapu iti panagamak gubuay ti panagraira ti ASF.
Innayun na a narigat ti agsapol ti maparti a baboy agsipod ta bimmasit ti suplay.
Kabayatanna, inbunannag ni Calucag nga awan kuma ti panagamak ti publiko gapu ta dagiti maparti a baboy ket dumalan iti umno a proseso ken addaan ti dokumento.
