LAOAG CITY – Agtultuloy nga umad-adu ti bilang dagiti aglaklako iti paputok iti sirok rangtay wenno Gilbert Bridge ditoy siudad ti Laoag kabayatan nga umas-asidegen ti panagsarabo ti baro a tawen.
Segun kadagiti aglaklako, idi Disiembre 24 ket addan ti walo a puesto a naipatakderen iti sirok ti rangtay a paglakuan iti paputok.
Mainaig iti daytoy, manamnama a manayonan daytoy iti 11 pay a stall iti Disiembre 29 ken 30.
Kabayatanna, agtultuloy ti panagmonitor ti Philippine National Police ken Bureau of Fire Protection ditoy siudad ti Laoag kadagiti aglaklako ti paputok tapno mapagtalinaed ti linak, talna ken urnos.
