LAOAG CITY – Addan ti 70 a porsiento ti nagbabaan ti bilang dagiti agmanmaneho ti motorsiklo a menor de edad iti ili ti Vintar.
Daytoy ti inpanakkel ni Police Capt. Roy Manuel Ordonio, ti chief of police iti ili ti Vintar.
Inlawlawag ni Ordonio a sipud nagtugaw kas hepe iti nasao nga ili ket naruay dagiti report seknan ti panaglulumba ti motorsiklo dagiti menor de edad kangrunaan na iti Vintar Bridge.
Gapu iti daytoy, rinabii ti panagpatrolya da iti lugar ken kinasarita da dagiti nagannak a kasarita da dagiti annak da a saan da nga agiturong ti motorsiklo.
Maragsakan met ti lokal a gobierno iti nagbalin nga addang ti nailian a pulisya iti nasao nga ili.
Innayon ni Ordonio a masalaksid kadagiti nagannak ket nakikoordinar da pay kadagiti nagduduma a pagadalan no sadinno a saan da a pastreken dagiti estudyante no aglugan dagitoy ti motorsiklo nga isuda a mismo ti agmaneho.
