Inpakammo ti Department of Health, agtultuloy a ngumatngato ti bilang dagiti agtutubo nga agus-usar ti electric cigarette, iti baet ti sangapulo a tawen a bimmabaan ti panagusar iti tabako ditoy pagilian.
Segun kenni Armund Arguellas, Health Promotion Bureau representative ti Department of Health, ngimmato iti 110% ti bilang dagiti agtutubo nga agususar iti nasao a produkto iti las-ud ti uppat a tawen manipud iti 24.6% idi tawen 2019.
Maysa a kangrunaan a makagapu iti iyaadu iti bilang ti nalaka a paggatangan, no sadino ket addaan ti 77.1% kadagiti agtutubo ti gimmatang kadagiti tiendaan, street vendors ken dadduma pay.
Basar iti datos ti Global Youth Tobacco Survey (GYTS), 14% nga estudiante nga agtawen ti 13 angingga 15 ti kaaduan nga agususar iti e-cigarettes.
Gapu iti daytoy, panggep ti health department, partner agencies, ken non-government health organizations a pabassiten ti panagkasapulan ken suplay dagiti nasao a produkto ken papigsaenda dagiti regulasion kas iti panangingatoda iti vape taxes.
Kabayatanna, kalikagum ti Department of Health a papigsaen ti panangiparit ti tobacco advertising, promotion, sponsorship ken mangipatawda ti naing-inget a panangiparit iti panangilako kadagiti produkto iti tabako kadagiti asideg a lugar iti pagadalan.
