LAOAG CITY – Ngimmato ti bilang dagiti Pilipino nga awanan trabahona iti bulan ti Oktubre, daytoy ket basar iti Philippine Statistics Authority.
Segun ken ni PSA chief and National Statistician Claire Dennis Mapa, umaboten iti 1.97 milion idi Oktubre ti jobless individuals nga agtawen iti sangapulo ket lima agpangato.
Nangatngato daytoy ngem iti 1.89 milion nga unemployed persons a nairekord iti bulan ti Setyembre.
Nupay kasta, nababbaba daytoy ngem iti record idi Oktubre 2023 nga umabot iti 2.09 milion nga indibidual.
Gapu iti daytoy, ngimmato iti 3.9% ti unemployment rate a nangatngato manipud iti 3.7% idi bulan ti Setyembre.
Kabayatanna, ti bilang dagiti addaan ti trabahona ket bimmaba iti 48.16 milion manipud iti 49.87 milion.
