LAOAG CITY – Umaboten iti 137 ti bilang dagiti balud iti Ilocos Norte Provincial Jail.
Daytoy ti inbatad ni Jail warden Edietor Guiang iti Ilocos Norte Provincial Jail.
Segun ken ni Guiang, manipod iti nasao a bilang ket 14 ti babbai a balud, ken agarop 50 a porsiento kadagiti Persons Deprived of Liberty iti Ilocos Norte Provincial Jail ket sumangsango ti kaso mainaig iti illegal a droga.
Inpakaammo ni Guiang a ti kataengan a balud iti Ilocos Norte Provincial Jail ket agtawen ti 74 ken manarimaan paylaeng a madengdengngeg ti kaso na.
Mainaig iti daytoy, kuna ni Guiang nga adda ti lima a balud a manamnama a maibiyahe iti New Bilibid Prison iti Muntinlupa City a dagitoy ket sumangsango ti kaso nga homicide, acts of lasciviousness, frustrated homicide ken adda pay ti mainaig iti illegal a droga.
Innayon na nga iyur-uray da laengen dagiti papeles a kasapulan para iti pannakaibiyahe dagiti nadakamat a balud.
