LAOAG CITY – Inbatad ni Jail warden Mrs. Benilda Sadian, ti jailwarden iti Ilocos Norte Provincial Jail (INPJ) ditoy probinysa nga illegal a druga pay laeng ti kaadduan a kaso dagiti balud a maiserserrek iti nasao a pagbaludan.
Nupay kasta, inbatad na a bimmaba ti bilang dagiti balod nga addaan ti kaso mainaig iti illegal a droga.
Kunana a sakbay ti Enhanced Community Quarantine wenno ECQ ket 453 ti bilang amin dagiti balud ken 300 ditoy ti addaan ti kaso mainaig iti illegal a druga.
Inbatadna nga iti agdama ket 66 laengen ti bilang dagiti balod nga addaan ti kaso mainaig iti illegal a droga gapu ta kalpasan iti lockdown ket adun dagiti napalubusan a rimuar iti uneg ti pagbaludan.
Innayonna a sumarsaruno met ti kaso a murder a sangsangwen dagiti dadduma a balud iti INPJ.
Iti baet daytoy, impasingked ti Jail warden nga awan ti problema iti uneg ti pagbaludan gapu ta naiget ti panagmonmonitor da.
