LAOAG CITY – Nanayunan pay ti bilang dagiti barangay ditoy ciudad ti Laoag a naikabil iti Areas of Concern.
Daytoy ti inbatad ni Police Major Jephre Taccad, ti pannakangiwat iti Ilocos Norte Police Provincial Office (INPPO) kabayatan ti naiyuswat a press conference.
Maipalagip nga immunan a naikabil iti areas of concern iti Barangay Buttong, Calayab, Balacad ken iti Barangay Vira ditoy ciudad gapu iti kinabara ti sitwasyon mainaig iti Barangay ken Sang Kabataang Elections 2023.
Mainaig iti daytoy, inpasigurado ni Taccad ti naiget a panagbantay da tapno masigurado ti linak, urnus ken talna agingga a malpas ti Barangay ken Sang Kabataang Elections a maiyuswat intono lunes, Oktubre 20 ita a tawen.
Inpakaammo na pay nga adda ti augmentation force nga aggapo iti Police Regional Office 1 nga umay tumulong nga agbantay iti pannakaiyuswat ti eleksyon ditoy probinsya.
Innayon na nga umabot iti nasurok a 80 a personnel dagiti naipatulod nga umay tumulong a mangipatalged ti seguridad iti intero a probinsya kabayatan ti pannakaisayangkat ti Barangay ken Sang Kabataang Elections.
Kabayatanna, inrakurak ni Taccad nga ipatungpal da ti liquor ban mangrugi iti tengnga ti rabii intono Oktubre 30 agingga a malpas ti eleksyon.
